မန္တလေးမြို့၊ အောင်မြေသာစံမြို့နယ်၊ ပြည်ကြီးရန်လုံရပ်ကွက်၊ ရွှေလရောင်ဝင်းအတွင်းရှိ RC သုံးထပ်တိုက်ပေါ်မှ အမျိုးသမီးတစ်ဦး ပြုတ်ကျသေဆုံးမှု ဇူလိုင်လ ၁၉ ရက် နံနက် ၉ နာရီ ၂၀ မိနစ်က ဖြစ်ပွားခဲ့သည်။ ပြုတ်ကျသေဆုံးသူမှာ အသက် ၅၂ နှစ်အရွယ် အိမ်အကူအမျိုးသမီးတစ်ဦးဖြစ်ကြောင်း သိရသည်။ အဆိုပါဖြစ်စဉ်နှင့်ပတ်သက်၍ အမှတ် (၄) နယ်မြေရဲစခန်းက စုံစမ်းစစ်ဆေးမှုများ ပြုလုပ်ခဲ့ပြီး၊ ရုပ်အလောင်းကို လူမှုကူညီရေးအသင်းယာဉ်ဖြင့် မန္တလေးပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။
