အာဆီယံအထူးကိုယ်စားလှယ် လာဇာရိုသည် ၂၀၂၆ ခုနှစ်နှောင်းပိုင်းတွင် လူသားချင်းစာနာမှုဆိုင်ရာမစ်ရှင်ဖြင့် မြန်မာနိုင်ငံသို့ လာရောက်ရန်ရှိ

အာဆီယံ (ASEAN) အလှည့်ကျဥက္ကဋ္ဌ၏ အထူးကိုယ်စားလှယ်အဖြစ် တာဝန်ယူထားသည့် ဖိလစ်ပိုင်နိုင်ငံခြားရေးဝန်ကြီး မာရီယာ သီရီဆာ လာဇာရို (Maria Theresa Lazaro) သည် ၂၀၂၆ ခုနှစ် စတုတ္ထသုံးလပတ် (နှစ်နှောင်းပိုင်း) အတွင်း မြန်မာနိုင်ငံသို့ လာရောက်ကာ လူသားချင်းစာနာထောက်ထားမှုဆိုင်ရာ မစ်ရှင်တစ်ခုကို ဦးဆောင်ရန် စီစဉ်နေကြောင်း ဖိလစ်ပိုင်နိုင်ငံခြားရေးဝန်ကြီးဌာန (DFA) က ဇူလိုင် ၁၄ ရက် (အင်္ဂါနေ့) တွင် ထုတ်ပြန်ပြောကြားခဲ့သည်။ ဤခရီးစဉ်အဆိုပြုချက်သည် ဇူလိုင် ၁၂ ရက်မှ ၁၃ ရက်အထိ ထိုင်းနိုင်ငံ၌ ကျင်းပခဲ့သည့် မြန်မာ့အရေး သက်ဆိုင်သူများနှင့် အာဆီယံနိုင်ငံခြားရေးဝန်ကြီးများ၏ ဆွေးနွေးပွဲအပြီးတွင် ထွက်ပေါ်လာခြင်းဖြစ်ပြီး၊ အဆိုပါမစ်ရှင်အပေါ် သက်ဆိုင်သူအားလုံးက ထောက်ခံမှု ပေးထားကြကြောင်း သိရသည်။