မြန်မာနိုင်ငံရှိ ပုဂ္ဂလိကကျောင်းများ၌ နှစ်ချိန်စနစ် သင်ကြားခြင်း ပိတ်ပင်ရန်နှင့် ဆရာမှတ်ပုံတင် Green Card စနစ် ပြောင်းလဲရန် စည်းမျဉ်းသစ်များ ထုတ်ပြန်

ပညာရေးဝန်ကြီးဌာနသည် ပုဂ္ဂလိကနှင့် နိုင်ငံတကာသင်ရိုးသင်ကျောင်းများအတွက် စည်းမျဉ်းအသစ်များ ထုတ်ပြန်ခဲ့ပြီး လာမည့်ပညာသင်နှစ်မှစ၍ သတ်မှတ်ပမာဏထက် ကျောင်းသားပိုမိုလက်ခံကာ နှစ်ချိန်စနစ်ဖြင့် သင်ကြားခြင်းကို ခွင့်ပြုတော့မည်မဟုတ်ကြောင်း အသိပေးထားသည်။ ထို့ပြင် ပုဂ္ဂလိကကျောင်းဆရာ၊ ဆရာမများကိုလည်း လာမည့်နှစ်မှစတင်ကာ ၉ လတာ သင်တန်းအောင်မြင်ပြီးသူများကိုသာ Green Card ထုတ်ပေးသွားမည်ဖြစ်ပြီး၊ တစ်ဖက်တွင်လည်း နိုင်ငံတကာသင်ရိုးသင်ကျောင်းသားများ ပြည်တွင်းတက္ကသိုလ်များသို့ ဝင်ခွင့်လျှောက်ထားနိုင်ရေး စီစဉ်ဆောင်ရွက်နေကြောင်း ကိုယ်ပိုင်နှင့် ပုဂ္ဂလိကကျောင်းကြီးကြပ်ရေးအဖွဲ့နှင့် ကိုယ်စားလှယ်များ တွေ့ဆုံပွဲတွင် ပညာရေးဝန်ကြီးက ပြောကြားခဲ့သည်။