၇၉ နှစ်မြောက် အာဇာနည်နေ့အခမ်းအနား ကျင်းပမည့် ဇူလိုင် ၁၉ ရက်တွင် ရန်ကုန်မြို့ရှိ လမ်းအချို့ ယာယီပိတ်မည်

၂၀၂၆ ခုနှစ် ဇူလိုင် ၁၉ ရက်တွင် ကျရောက်မည့် (၇၉) နှစ်မြောက် အာဇာနည်နေ့အခမ်းအနားများအတွက် ရန်ကုန်မြို့ရှိ လမ်းအချို့အား ယာယီလမ်းပိတ်ခြင်းနှင့် လမ်းလွှဲခြင်းများ ဆောင်ရွက်သွားမည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့က ထုတ်ပြန်ထားသည်။ အာဇာနည်ဗိမာန်၌ အခမ်းအနားကျင်းပမည့် နံနက် ၄ နာရီမှစ၍ အနောက်ရွှေဂုံတိုင်လမ်း၊ ရွှေဂုံတိုင်လမ်း၊ အာဇာနည်လမ်းနှင့် ဦးဝိစာရလမ်းတို့၏ အချို့အပိုင်းများကို ယာယီပိတ်ထားမည်ဖြစ်ပြီး၊ ဗိုလ်ချုပ်အောင်ဆန်းနေအိမ်ပြတိုက် ဖွင့်လှစ်ပြသမည့် နံနက် ၅ နာရီမှ ညနေ ၆ နာရီအထိလည်း နတ်မောက်လမ်း၊ ဗိုလ်ချုပ်ပြတိုက်လမ်းနှင့် ဗိုလ်ချိုလမ်းတို့ကို လမ်းပိတ်၊ လမ်းလွှဲအစီအစဉ်များ ပြုလုပ်သွားမည်ဖြစ်ကြောင်း သိရသည်။