အင်တာမိုင်ယာမီအသင်းအတွက် ကစားရင်း ဒဏ်ရာရခဲ့တဲ့ အသင်းခေါင်းဆောင် မက်ဆီဟာ ကမ္ဘာ့ဖလားပြိုင်ပွဲ ပါဝင်ယှဉ်ပြိုင်နိုင်ဖို့ စိုးရိမ်စရာအခြေအနေ ရှိနေပါတယ်။မက်ဆီဟာ ဖဲလာဒဲဖီးယားယူနီယံအသင်းကို ၆-၄ ဂိုးနဲ့ အနိုင်ရတဲ့ပွဲမှာ ဒဏ်ရာရာခဲ့တာဖြစ်ပြီး ၇၃ မိနစ်မှာ ဆယ်လ်ဗက်တီနဲ့ လူစားလဲခဲ့ရတာဖြစ်တယ်။အင်တာမိုင်ယာမီအသင်းက ပြီးခဲ့တဲ့တနင်္လာနေ့မှာ စမ်းသပ်စစ်ဆေးမှုများပြုလုပ်ပြီးနောက် ကြွက်သားဒဏ်ဖြစ်မှုသာ ဖြစ်တယ်လို့သတင်းထုတ်ပြန်ခဲ့ပါတယ်။ဒါပေမဲ့ ဒီကြေညာချက်မှာ မက်ဆီ ပြန်ကစားနိုင်မယ့်ရက်ဟာ ကုသမှု လုပ်ငန်းစဉ်ပေါ်မှာသာ မူတည်တယ်လို့ ပြောခဲ့ပါတယ်။မက်ဆီဟာ အခုချိန်အထိ ကမ္ဘာ့ဖလားပြိုင်ပွဲမှာ လက်ရှိချန်ပီယံ အာဂျင်တီးနားနဲ့အတူ ပါဝင်ယှဉ်ပြိုင်မယ်လို့ မပြောသေးပါဘူး။အာဂျင်တီးနားအသင်းနည်းပြ စကာလိုနီက အပြီးသတ်လူစာရင်းကို မေလ ၃၀ ရက်မှာ ကြေညာဖို့ရှိပါတယ်။




