၂၀၂၆ သုံးနိုင်ငံ ချစ်ကြည်ရေးဖိတ်ခေါ်ပြိုင်ပွဲအတွက် လေ့ကျင့်မှုများ ပြုလုပ်နေလျက်ရှိတဲ့ မြန်မာ့လက်ရွေးစင် အမျိုးသမီးအသင်းထံ အမေရိကန်ပြည်ထောင်စုမှာ နေထိုင်တဲ့ တိုက်စစ်မှူး မေထက်လူ ရောက်ရှိလာပြီဖြစ်လို့ လေ့ကျင့်ရေးကွင်းမှာ လူစုံသွားပြီဖြစ်ကြောင်း သိရပါတယ်။မြန်မာ့လက်ရွေးစင်အမျိုးသမီးအသင်းကို ယာယီနည်းပြချုပ်အဖြစ် ဒေါ်စန်းစန်းသိန်းက တာဝန်ယူကိုင်တွယ်နေပြီး ပြီးခဲ့တဲ့ဧပြီ ၂၇ ရက်ကစလို့ ပဏာမကစားသမား ၃၅ ဦးနဲ့ လေ့ကျင့်မှုများ ပြုလုပ်နေလျက်ရှိကြောင်း သိရပါတယ်။ မြန်မာအမျိုးသမီးအသင်းဟာ ဇွန် ၃ ရက်မှာ ဥဇဘက်ကစ္စတန်အသင်း၊ ဇွန် ၉ ရက်မှာ ထိုင်းအသင်းတို့နဲ့ ယှဉ်ပြိုင်ကစားမှာ ဖြစ်ပါတယ်။
May 19 • 2:25 AM
မြန်မာ
ပြည်တွင်း
မျှဝေမည်
| 40 | 0 | 0 | 0 |


