back

ဗီယက်နမ်ရှိ အိမ်တွင်းတစ်နိုင်တစ်ပိုင် စီးပွားရေးလုပ်ငန်းများ၏ ၈၁ ရာခိုင်နှုန်းကျော် ၂၀၂၅ ခုနှစ်တွင် ဝင်ငွေကျဆင်းခဲ့ရကြောင်း အစီရင်ခံစာတင်ပြ

May 18 • 3:04 AM

breaking-news

ဗီယက်နမ်

ပြည်တွင်းသတင်း

cover

ဗီယက်နမ်ရှိ အိမ်တွင်းတစ်နိုင်တစ်ပိုင် စီးပွားရေးလုပ်ငန်းများ၏ ၈၁ ရာခိုင်နှုန်းကျော် ၂၀၂၅ ခုနှစ်တွင် ဝင်ငွေကျဆင်းခဲ့ရကြောင်း အစီရင်ခံစာတင်ပြ

ဗီယက်နမ်နိုင်ငံတစ်ဝန်းရှိ အိမ်တွင်းတစ်နိုင်တစ်ပိုင် စီးပွားရေးလုပ်ငန်း (Household Business) ပေါင်း ၆.၁ သန်းကျော်အနက် ၈၁ ရာခိုင်နှုန်းကျော်သည် ၂၀၂၅ ခုနှစ်အတွင်း ...

ဗီယက်နမ်နိုင်ငံတစ်ဝန်းရှိ အိမ်တွင်းတစ်နိုင်တစ်ပိုင် စီးပွားရေးလုပ်ငန်း (Household Business) ပေါင်း ၆.၁ သန်းကျော်အနက် ၈၁ ရာခိုင်နှုန်းကျော်သည် ၂၀၂၅ ခုနှစ်အတွင်း ဝင်ငွေကျဆင်းမှုနှင့် ကြုံတွေ့ခဲ့ရပြီး စီးပွားရေးလုပ်ငန်း လေးပုံတစ်ပုံခန့်မှာ အရှုံးပေါ်ခြင်း သို့မဟုတ် အရင်းသာကျန်တော့ခြင်းတို့ ဖြစ်ပွားခဲ့ကြောင်း ဗီယက်နမ်ကုန်သည်များနှင့် စက်မှုလက်မှုလုပ်ငန်းရှင်များအသင်း (VCCI) ၏ အစီရင်ခံစာအရ သိရပြီး ၂၀၂၆ ခုနှစ် ဖေဖော်ဝါရီလမှ ဧပြီလအထိ ပြည်နယ်နှင့် မြို့ကြီး ၃၄ ခုရှိ အိမ်တွင်းလုပ်ငန်းပေါင်း ၁,၀၀၁ ခုကို စစ်တမ်းကောက်ယူခဲ့ရာတွင် စီးပွားရေးလုပ်ငန်းရှင် ၇၃.၇ ရာခိုင်နှုန်းက အမြတ်အစွန်း အနည်းငယ်သာ ရရှိခဲ့ကြပြီး စျေးကွက်ဝယ်လိုအား ကျဆင်းလာမှုနှင့် စားသုံးသူအရေအတွက် လျော့နည်းလာမှုဒဏ်ကို အပြင်းအထန် ခံခဲ့ရကြောင်း သိရကာ ထို့အပြင် တိုးမြှင့်ချမှတ်လာသည့် အီလက်ထရွန်နစ် အခွန်ပြေစာ (E-invoicing) စနစ်နှင့် အခွန်ကြေညာခြင်းဆိုင်ရာ ဥပဒေကြောင်းအရ ရှုပ်ထွေးမှုများကဲ့သို့သော လိုက်နာရမည့် စည်းမျဉ်းစည်းကမ်း ဝန်ထုပ်ဝန်ပိုးများကလည်း လုပ်ငန်းရှင်များအတွက် အဓိက စိန်ခေါ်မှုကြီးတစ်ခု ဖြစ်လာခဲ့ကြောင်း သိရသည့်အပြင် ယင်းပြဿနာများကြောင့် စစ်တမ်းဖြေဆိုသူ ၆၀.၈ ရာခိုင်နှုန်းက လာမည့်နှစ်နှစ်အတွင်း လက်ရှိလုပ်ငန်းပမာဏအတိုင်းသာ ဆက်လက်ထိန်းသိမ်းသွားရန် စီစဉ်နေပြီး ၃၃ ရာခိုင်နှုန်းကမူ လုပ်ငန်းပမာဏ လျှော့ချရန် (Downsize) စဉ်းစားနေကြသဖြင့် လုပ်ငန်းတိုးချဲ့ရန် သို့မဟုတ် ကုမ္ပဏီအဖြစ် တရားဝင်အသွင်ပြောင်းရန် ဆန္ဒရှိသူ အလွန်နည်းပါးနေကြောင်း ထောက်ပြထားပါသည်။

news-view-count-icon

11