တရုတ်နိုင်ငံက ၃၂ ကြိမ်မြောက် APEC ကုန်သွယ်ရေးဝန်ကြီးများ အစည်းအဝေး အိမ်ရှင်အဖြစ် လက်ခံကျင်းပမည်

၃၂ ကြိမ်မြောက် အာရှ-ပစိဖိတ် စီးပွားရေးပူးပေါင်းဆောင်ရွက်မှုအဖွဲ့ (APEC) ကုန်သွယ်ရေးဝန်ကြီးများ အစည်းအဝေးကို တရုတ်နိုင်ငံ အရှေ့ပိုင်း ကျန်းဆူးပြည်နယ် စူးကျိုးမြို့တွင် အိမ်ရှင်အဖြစ် လက်ခံကျင်းပသွားမည်ဟု တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက မေ ၉ ရက်၌ ပြောကြားခဲ့သည်။အာရှ-ပစိဖိတ်ဒေသသည် ကမ္ဘာလုံးဆိုင်ရာ မရေရာမှုများ မြင့်တက်လာခြင်း၊ စီးပွားရေးတိုးတက်မှု တုံ့ဆိုင်းနှေးကွေးလာခြင်းတို့အပြင် ရှုပ်ထွေးသော စိန်ခေါ်မှုများနှင့်ပါ ရင်ဆိုင်နေရချိန်တွင် တရုတ်နိုင်ငံအနေဖြင့် အဆိုပါ အစည်းအဝေး၌ အရေးကြီး ဦးစားပေးကိစ္စရပ်နှစ်ခုနှင့် စပ်လျဉ်း၍ ဘုံသဘောတူညီမှု စုစည်းတည်ဆောက်ရေးအတွက် APEC အဖွဲ့ဝင်နိုင်ငံများနှင့် လက်တွဲလုပ်ဆောင်သွားမည်ဟု တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ နိုင်ငံတကာ ကုန်သွယ်ရေးကိုယ်စားလှယ်နှင့် ဒုတိယဝန်ကြီး လီချိန်ကန်းက သတင်းစာရှင်းလင်းပွဲ၌ ပြောကြားခဲ့သည်။