ငွေဆောင်နှင့် ချောင်းသာတို့တွင် ၂၀၂၆ ခုနှစ် လူရည်ချွန်စခန်းများ ဖွင့်လှစ်၊ ဧရာဝတီတိုင်းဒေသကြီးဝန်ကြီးချုပ် တက်ရောက်

ဧရာဝတီတိုင်းဒေသကြီးဝန်ကြီးချုပ် ဦးအေးကျော်သည် မေလ ၇ ရက်နေ့က ငွေဆောင်ကမ်းခြေရှိ ဧကာဒသမတန်းလူရည်ချွန်စခန်းနှင့် ချောင်းသာကမ်းခြေရှိ အဆင့်မြင့်ပညာအဆင့် လူရည်ချွန်စခန်းတို့၏ ဖွင့်ပွဲအခမ်းအနားများသို့ တက်ရောက်ဖွင့်လှစ်ပေးခဲ့ပြီး၊ လူရည်ချွန်မောင်မယ်များအား ဂုဏ်ပြုရင်ထိုးတံဆိပ်များ အပ်နှင်းကာ နိုင်ငံတော်အတွက် ဘက်စုံထူးချွန်သည့် လူစွမ်းအားအရင်းအမြစ်များဖြစ်လာစေရန် အစဉ်တစိုက်လေ့လာသင်ယူကြရန် တိုက်တွန်းမှာကြားခဲ့ကြောင်း သိရှိရပါသည်။