ယူအေအီးအစိုးရက ဆူဒန်လေဆိပ်အား တိုက်ခိုက်မှုတွင် ပါဝင်သည်ဆိုသည့် စွပ်စွဲချက်များကို ငြင်းဆို

ယူအေအီးအစိုးရက ဆူဒန်နိုင်ငံ၊ ခါတွမ်အပြည်ပြည်ဆိုင်ရာလေဆိပ် (Khartoum International Airport) ကို ဒရုန်းများဖြင့် တိုက်ခိုက်ခဲ့မှုတွင် ၎င်းတို့ ပါဝင်ပတ်သက်နေသည်ဆိုသည့် ဆူဒန်အစိုးရ၏ စွပ်စွဲချက်များကို ယူအေအီးနိုင်ငံက မေလ ၆ ရက်နေ့တွင် ပြင်းထန်စွာ ငြင်းဆိုလိုက်ပါသည်။ ဆူဒန်စစ်တပ်က အဆိုပါဒရုန်းများသည် အီသီယိုးပီးယားနိုင်ငံရှိ လေဆိပ်တစ်ခုမှ ပျံတက်လာခြင်းဖြစ်ပြီး ယူအေအီးပိုင်ပစ္စည်းများဖြစ်ကြောင်း အထောက်အထားရှိသည်ဟု စွပ်စွဲခဲ့သော်လည်း၊ ယူအေအီးနိုင်ငံခြားရေးဝန်ကြီးဌာနကမူ ယင်းစွပ်စွဲချက်များသည် အခြေအမြစ်မရှိဘဲ မိမိတို့၏ တာဝန်ယူမှုကို ရှောင်လွှဲရန် အခြားသူများအပေါ် လွှဲချခြင်းသာဖြစ်ကြောင်းနှင့် ဆူဒန်ပဋိပက္ခကို အဆုံးသတ်ရန် ငြိမ်းချမ်းရေးလုပ်ငန်းစဉ်များကိုသာ မိမိတို့က လိုလားကြောင်း တုံ့ပြန်ပြောကြားခဲ့သည်။