မန္တလေးမှမြစ်ကြီးနားအထိ ဆက်သွယ်ရေးလမ်းကြောင်း ပြန်လည်ဖွင့်လှစ်

မန္တလေး-မတ္တရာ-သပိတ်ကျင်း-တကောင်း-ထီးချိုင့်-ကသာ-အင်းတော်-မော်လူး-နန့်စီးအောင်-မိုးညှင်း-မိုးကောင်း-မြစ်ကြီးနားဆက်သွယ်ရေးလမ်းကြောင်းတစ်လျှောက်ကို အပြည့်အဝထိန်းချုပ်ပြီး မေလ၆ရက်မှာ ပြန်လည်ဖွင့်လှစ်ပေးနိုင်ခဲ့ပြီဖြစ်တယ်လို့ သတင်းထုတ်ပြန်ပါတယ်။နယ်မြေလုံခြုံရေးဆောင်ရွက်နေတဲ့ တပ်မတော်စစ်ကြောင်းတွေနဲ့ ပြန်လည်ချိတ်ဆက်ပူးပေါင်းပြီး နယ်မြေလုံခြုံရေးလုပ်ငန်းတွေ ဆောင်ရွက်နိုင်ခဲ့တဲ့အတွက် မန္တလေး-မတ္တရာ-သပိတ်ကျင်း-တကောင်း-ထီးချိုင့်-ကသာ-အင်းတော်-မော်လူး-နန့်စီးအောင်-မိုးညှင်း-မိုးကောင်း-မြစ်ကြီးနား ဆက်သွယ်ရေးလမ်းကြောင်းကို ပြန်လည်ဖွင့်လှစ်နိုင်ခဲ့ပြီး ခရီးသွားမော်တော်ယာဉ်နဲ့ ကုန်စည်ပို့ဆောင်တဲ့မော်တော်ယာဉ်တွေ ပုံမှန်အတိုင်း ပြန်လည်သွားလာနိုင်ပြီဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။