ရှမ်းတောင် မြို့နယ်အချို့တွင် တောင်သူများ လက်ထဲ ပြောင်းဆံ မရှိတော့ချိန်မှ ဈေးအတက်ကြမ်းနေ

ရှမ်းပြည်နယ်၌ တောင်သူများ၏ လက်ထဲတွင် ပြောင်းဆံမရှိတော့သည့် အချိန်တွင်မှ ပြောင်းဆံဈေး တစ်ပိဿာ ၁,၂၀၀ ကျပ်မှ ၁,၅၈၀ ကျပ်အထိ ဈေးထိုးတက်နေသည်ဟု ရှမ်းတောင်၊ တောင်ကြီး၊ ညောင်ရွှေ ၊ နမ့်စန်မြို့နယ်ရှိ ပြောင်းစိုက်တောင်သူများထံမှ သိရသည်။ မေ ၂ ရက်တွင် တောင်ကြီး၊ အေးသာယာဂိုထောင်အရောက် ပြောင်းဆံဈေးမှာ တစ်ပိဿာ ၁,၅၈၀ ကျပ်အထိ အရောင်းအဝယ်.ဖြစ်နေသည်။ ယင်းဈေးမှာ ပြီးခဲ့သည့် ဧပြီ ၂၅ ရက် ၁,၂၀၀ ကျပ်ဈေးနှင့်ယှဉ်ပါက ၈ ရက်အတွင်း ၃၈၀ ကျပ်အထိ ဈေးတက်လာခြင်း ဖြစ်သည်။ ပြောင်းဆံဈေး တက်လာသော်လည်း လက်ရှိအချိန်သည် တောင်သူများ၏ လက်ထဲတွင် ပြောင်းဆံမရှိတော့သဖြင့် ပြောင်းဆံများကို ဝယ်ယူသိုလှောင်သည့် ကုန်သည်ပွဲစားများသာ အဓိက အကျိုးအ မြတ်ရနေသည်ဟု ပြောင်းစိုက်တောင်သူ စိုင်းဗွေကပြောသည်။