ဒိုင်ဗင်ကမ္ဘာ့ဖလား စူပါဖိုင်နယ်ပြိုင်ပွဲ ဖွင့်ပွဲနေ့တွင် တရုတ်နိုင်ငံက ရွှေတံဆိပ်ဆု ငါးခုဖြင့် လွှမ်းမိုး

တရုတ်နိုင်ငံ မြို့တော်ပေကျင်းတွင် ကျင်းပသည့် ၂၀၂၆ ခုနှစ် World Aquatics (ကမ္ဘာ့ရေပေါ်ရေအောက်အားကစားအဖွဲ့ချုပ်) ဒိုင်ဗင်ကမ္ဘာ့ဖလား စူပါဖိုင်နယ်ပြိုင်ပွဲ ဖွင့်ပွဲနေ့ဖြစ်သည့် မေ ၁ ရက်၌ တရုတ်နိုင်ငံက ရွှေတံဆိပ်ဆု ငါးခုစလုံးကို သိမ်းပိုက်ဆွတ်ခူးနိုင်ခဲ့ကြောင်း သိရသည်။ ဝမ်ကျုံးယွမ် နှင့် ကျိန့်ကျိုယွမ် တို့က မက္ကဆီကိုနိုင်ငံမှ ဒုတိယဆုရှင် Juan Manuel Celaya Hernandez နှင့် Osmar Olvera Ibarra တို့ထက် ၄၀ မှတ်ကျော်သည့် ရမှတ် ၄၆၀.၆၈ မှတ်ဖြင့် အမျိုးသားနှစ်ယောက်တွဲ ၃ မီတာ ချန်ပီယံဆုကို ဆွတ်ခူးခဲ့ပြီး ကြေးတံဆိပ်ဆုကိုမူ ဗြိတိန်နိုင်ငံမှ Anthony Harding နှင့် Jack Laugher တို့က ရရှိခဲ့ကြသည်။ အမျိုးသမီးပြိုင်ပွဲ၌လည်း ချန်ကျား နှင့်ချန်ရိဝန် တို့က နှစ်ယောက်တွဲ ၃ မီတာ ချန်ပီယံဆုကို ရမှတ် ၃၃၁.၀၅ မှတ်ဖြင့် ရရှိခဲ့သည်။