တရုတ်နိုင်ငံ ကားဈေးကွက်သည် ပြီးခဲ့သည့်နှစ်က အားကောင်းလာခဲ့သော်လည်း ပြင်းထန်သော ပြိုင်ဆိုင်မှုကြောင့် ကားထုတ်လုပ်သူများ၏ ကားတစ်စီး ရောင်းချလျှင် ရသည့် အမြတ်အစွန်းမှာ အလွန်နည်းပါးခဲ့သည်။ လုပ်ငန်း ၃ ခုသည် အမြတ်မရကြဘဲ ကားတစီး ရောင်းချရတိုင်း ငွေဆုံးရှုံးနေဆဲဖြစ်သည်။ တရုတ်နိုင်ငံရှိ အဓိက ကားထုတ်လုပ်သူ ၁၂ ဦးသည် ၎င်းတို့ ထုတ်ပြန်သည့် ဝင်ငွေအစီရင်ခံစာအရ ဒီဇင်ဘာ ၃၁ ရက်တွင် ကုန်ဆုံးသော ၁၂ လတာအတွင်း ကားတစ်စီးလျှင် ယွမ် ၁၀,၀၀၀ (ကန်ဒေါ်လာ ၁၄၆၅) ထက် အမြတ်အစွန်း ပိုမရခဲ့ကြချေ။ ချုံကင်းအခြေစိုက် စွမ်းအင်သစ်သုံးကားထုတ်လုပ်သူ Seres ၏ ပျမ်းမျှဈေးနှုန်းမှာ ပြီးခဲ့သည့်နှစ်က ယွမ် ၃၀၄,၈၀၀ (ကန်ဒေါ်လာ ၄၄,၆၆၀) ခန့်ရှိပြီး တစ်စီးလျှင် အမြတ် ယွမ် ၉,၉၃၆ ရရှိသည်။
