အလုပ်သမားနေ့၌ ထိုင်းလုပ်သားအင်အားပြုပြင်ပြောင်းလဲမည်

ထိုင်းအစိုးရသည် နည်းပညာအပြောင်းအလဲနှင့် ပထဝီနိုင်ငံရေးဖိအားများကို ရင်ဆိုင်နိုင်ရန်အတွက် နိုင်ငံတော်အလုပ်သမားနေ့တွင် လုပ်သားအင်အားဆိုင်ရာ မဟာဗျူဟာကို ဖွဲ့စည်းပုံဆိုင်ရာ ပြုပြင်ပြောင်းလဲမှုများ ပြုလုပ်တော့မည်ဖြစ်ကြောင်း ဒုတိယဝန်ကြီးချုပ် ယော့ဒ်ချနန် ဝေါင်ဆာဝတ်က ကြေညာခဲ့သည်။ အဆိုပါ ပြုပြင်ပြောင်းလဲမှုတွင် AI နည်းပညာနှင့် ဒစ်ဂျစ်တယ်စီးပွားရေးအတွက် အလုပ်သမားများ၏ အရည်အသွေး မြှင့်တင်ပေးခြင်း၊ အလုပ်ရှင်နှင့် အလုပ်သမား ချိတ်ဆက်ပေးမည့် နိုင်ငံအဆင့် အချက်အလက်စနစ် တည်ထောင်ခြင်းနှင့် "ပညာသင်ပြီးသည်နှင့် အလုပ်ရရှိရေး" ရန်ပုံငွေ အစီအစဉ်များ ပါဝင်သည်။ ထို့ပြင် စိုက်ပျိုးရေးလုပ်သားများကို "စမတ်လယ်သမားများ" အဖြစ် အဆင့်မြှင့်တင်ရန်နှင့် လွတ်လပ်သော အလုပ်သမားများအတွက် လူမှုဖူလုံရေးကွန်ရက်များ တိုးချဲ့ပေးရန်လည်း အစိုးရက ကတိပြုခဲ့ကြောင်း သိရှိရပါသည်။