မလေးရှားနိုင်ငံ ရေကြောင်းကင်းလှည့်တပ်ဖွဲ့ (MMEA) သည် တရားမဝင်ငါးဖမ်းမှုဖြင့် မြန်မာနိုင်ငံသားများ မောင်းနှင်လာသည့် ငါးဖမ်းလှေနှစ်စင်းကို ဖမ်းဆီးထိန်းသိမ်းလိုက်ကြောင်း သိရသည်။ ဖြစ်စဉ်မှာ ယမန်နေ့ ဖေဖော်ဝါရီလ ၆ ရက် (သောကြာနေ့) က မလေးရှားကမ်းလွန်ရှိ ကျွန်းဆွယ်မြို့ငယ် တန်ဂျွန်ကရန် (Tanjung Karang) ၏ အနောက်တောင်ဘက် ရေမိုင် ၁၆ ဒသမ ၆ အကွာတွင် ဖမ်းဆီးရမိခဲ့ခြင်းဖြစ်သည်။ အဆိုပါ ဖမ်းဆီးမှုအတွင်း အသက် ၂၄ နှစ်မှ ၅၀ နှစ်အတွင်းရှိ မြန်မာနိုင်ငံသား စုစုပေါင်း ကိုးဦးအပြင် လှေနှစ်စင်းနှင့်အတူ ဖမ်းဆီးထားသော ငါးပိဿာချိန် ၂၇၀ ခန့် (၄၅၀ ကီလိုဂရမ်) ကိုလည်း သိမ်းဆည်းခဲ့သည်။
