ထိုင်းနိူင်ငံKoh Phangan လပြည့်ညပါတီတွင် မူးယစ်ဆေးဝါးနှင့်အတူ မြန်မာ ၂ ဦးအပါအဝင် ၈ ဦး ဖမ်းဆီးခံရ

ထိုင်းနိုင်ငံ၊ Surat Thani ပြည်နယ်၊ Koh Phangan ကျွန်းတွင် ကျင်းပသည့် လပြည့်ညပါတီ (Full Moon Party) ကာလအတွင်း မူးယစ်ဆေးဝါးနှိမ်နင်းရေး အထူးစစ်ဆင်ရေးဆောင်ရွက်ခဲ့ရာ ဖေဖော်ဝါရီလ ၅ ရက်နေ့တွင် မူးယစ်ဆေးဝါးရောင်းဝယ်သူနှင့် သုံးစွဲသူ စုစုပေါင်း ၈ ဦးကို ဖမ်းဆီးရမိခဲ့ပြီး ယင်းအနက် Koh Phangan ခရိုင်ခွဲ၌ မူးယစ်ဆေးဝါးများနှင့်အတူ ဖမ်းဆီးခံရသည့် အသက် ၃၇ နှစ်အရွယ် ကိုသက်နိုင်ဝင်းနှင့် ကိုကျော်ရဲထွန်းဆိုသူ မြန်မာနိုင်ငံသားနှစ်ဦး ပါဝင်နေကြောင်း၊ ကျန်ရှိသည့် ထိုင်းနိုင်ငံသား ခြောက်ဦးကိုလည်း နေရာအသီးသီးတွင် စိတ်ကြွဆေးပြားများ၊ Ice မူးယစ်ဆေးဝါးများနှင့်အတူ ဖမ်းဆီးရမိခဲ့ခြင်းဖြစ်ကာ ခရီးသွားများဘေးကင်းစေရန်နှင့် ရာဇဝတ်မှုများကင်းစင်စေရန် အရှိန်အဟုန်မြှင့် စစ်ဆေးဆောင်ရွက်သွားမည်ဖြစ်ကြောင်း ပြည်နယ်ရဲတပ်ဖွဲ့မှူးက ထုတ်ပြန်ထားပါသည်။