ငလျင်ဒဏ်ကြောင့် ပျက်စီးခဲ့သည့် ပျဉ်းမနား ကန်တော်မင်္ဂလာခန်းမအား အသစ်ပြန်လည်တည်ဆောက်ရန် ပန္နက်တော်တင်

ငလျင်ဒဏ်ကြောင့် ပျက်စီးသွားခဲ့သည့် နေပြည်တော်၊ ပျဉ်းမနားမြို့ရှိ မြို့တော်ခန်းမ (ကန်တော်မင်္ဂလာခန်းမ) ကို အသစ်ပြန်လည်တည်ဆောက်တော့မည်ဖြစ်ရာ ဖေဖော်ဝါရီ ၅ ရက် နံနက်ပိုင်းတွင် ရတနာပန္နက်တော်တင် မင်္ဂလာအခမ်းအနားကို ကျင်းပခဲ့သည်။ အဆိုပါအခမ်းအနားသို့ နေပြည်တော် ဒု-မြို့တော်ဝန်၊ စည်ပင်သာယာရေးကော်မတီဝင်များနှင့် အဆောက်အအုံအား တာဝန်ယူတည်ဆောက်မည့် KINETIC ARTS Co., Ltd မှ တာဝန်ရှိသူများ တက်ရောက်ကာ သတ်မှတ်နေရာများတွင် ပန္နက်တော်တင်ခဲ့ကြကြောင်း သိရှိရပါသည်။