ထိုင်း၊ကန်ချနဘူရီအာဏာပိုင် တွေနဲ့ နယ်ခြားစောင့်ရဲတပ်ဖွဲ့က မြန်မာနိုင်ငံသား ၁၃၈ ဦးကို ထိုင်းနယ်နမိတ်အတွင်းက နှင်ထုတ်ခဲ့ဘယ်လိုထိုင်းသတင်းဖော်ပြချက်တွေအရသိရပါတယ်။၂၀၂၆ ခုနှစ် ဖေဖော်ဝါရီ ၂ ရက် မနက် ၁၁ နာရီအချိန်က ကန်ချနဘူရီခရိုင်၊ နောင်လူးမြို့နယ်အတွင်းရှိ ဘန်ဖရာစေတီဆမ်အွန် ကုန်သွယ်ရေးနယ်စပ်ဖြတ်ကျော်ဂိတ် (၁၁) မှာ လုပ်ဆောင်မှုကို ဆောင်ရွက်ခဲ့တာဖြစ်ပါတယ်လို့ " ဒေသခံအရာရှိ တွေ က ဆိုပါတယ်။နယ်ခြားကင်းလှည့်ရဲတပ်ဖွဲ့တပ်ခွဲ (၁၃၄) က ထိုင်း-မြန်မာနယ်စပ်ဂိတ်တစ်ခုမှာ မှုခင်းဆိုင်ရာအမိန့် တွေ ကို အကောင်အထည် ဖော်ပြီး၊ မြန်မာနိုင်ငံသား ၁၃၈ ဦးကို ထိုင်းနိုင်ငံ နယ်နမိတ်အတွင်း က နှင်ထုတ်ခဲ့တယ်လို့ သိရပါတယ်။အခုလို နှင်ထုတ်ရေးလုပ်ငန်းစဉ်ကို နယ်ခြားကင်းလှည့်ရဲတပ်ဖွဲ့တပ်ခွဲ (၁၃၄) က တပ်မှူး ရဲမှူးကြီး ဘန်ဂျိုး ရန်ရွန် ဦးဆောင်ပြီး လတ်ယာအထူးတပ်ဖွဲ့ က စစ်ဘက်ဝန်ထမ်း တွေ ၊ ကန်ချနဘူရီပြည်နယ် က လူဝင်မှုကြီးကြပ်ရေးအရာရှိ တွေ နဲ့ ပူးပေါင်းဆောင်ရွက်ခဲ့တာလို့သိရှိရပါတယ်။
