သစ်တောများနဲ့ တောရိုင်းနေရာများ ပြုန်းတီးလာတဲ့အတွက် ခြင်တွေဟာ သွေးသောက်ဖို့ လူတွေကို အဓိကထားလာပါတယ်။ ခြင်ကိုက်ခြင်းကြောင့် ခြင်ကြောင့်ကူးစက်တဲ့ရောဂါများ အဖြစ်များလာပါတယ်။ လူသားတွေရဲ့ လုပ်ရပ်ကြောင့် သစ်တောပြုန်းတီးလာသဖြင့် သစ်ပင်များ၊ တိရိစ္ဆာန်များ အတော်လေးလျော့နည်းလာပါတယ်။ ခြင်တွေက သူတို့ရဲ့ စားကျက်နေရာတွေမှာ ပုံမှန်စားသောက်ကြပေမယ့် နေရာတွေပျောက်ကုန်ကာ လူသားတွေဆီ မြှားဦးလှည့်လာကြကြောင်း ကော်နယ်တက္ကသိုလ်မှ ပရော်ဖက်ဆာ လော်ရာဟာရင်တန်က ပြောပါတယ်။အတ္တလန္တိတ်သစ်တောဆိုရင် တစ်ချိန်က စတုရန်းမိုင် ၅၀၂,၀၀၀ ခန့်ရှိရာကနေ အခုအချိန်မှာ ၂၉ ရာခိုင်နှုန်းသာ ကျန်ရှိပါတော့တယ်။
