နာရေးအိမ်ကို စားသောက်ဆိုင်ထင်ပြီး ဝင်လာသည့် နိုင်ငံခြားသားများအား ထိုင်းမိသားစုက နွေးထွေးစွာ ဧည့်ခံ

ထိုင်းနိုင်ငံ၊ Nakhon Si Thammarat ပြည်နယ်ရှိ မိသားစုတစ်ခုသည် ၎င်းတို့၏ နာရေးအခမ်းအနားကို စားသောက်ဆိုင်အမှတ်မှားကာ ဝင်ရောက်လာသည့် နိုင်ငံခြားသားများအား စေတနာအပြည့်ဖြင့် ကျွေးမွေးဧည့်ခံခဲ့သည့် ဖြစ်ရပ်မှာ လူမှုကွန်ရက်တွင် ရေပန်းစားလျက်ရှိသည်။ ဇန်နဝါရီ ၃၁ ရက်နှင့် ဖေဖော်ဝါရီ ၂ ရက်တို့တွင် နိုင်ငံခြားသား ခရီးသွားအဖွဲ့ နှစ်ဖွဲ့မှာ နာရေးအိမ်ကို စားသောက်ဆိုင်ဟု ထင်မှတ်ကာ ဝင်ထိုင်ခဲ့ကြခြင်းဖြစ်သည်။ အိမ်ရှင်ဖြစ်သူများက ယင်းမှာ နာရေးအခမ်းအနားဖြစ်ကြောင်း ရှင်းပြခဲ့သော်လည်း ထိုင်းရိုးရာဓလေ့အရ ကွယ်လွန်သူအတွက် ရည်စူး၍ အစားအသောက်များကို အခမဲ့ တည်ခင်းဧည့်ခံခဲ့သည်။ အဆိုပါ နိုင်ငံခြားသားများမှာ အိမ်ရှင်များ၏ ဧည့်ဝတ်ကျေပွန်မှုအပေါ် အံ့ဩဝမ်းသာဖြစ်ခဲ့ကြပြီး၊ လူမှုကွန်ရက်အသုံးပြုသူများကလည်း ထိုင်းလူမျိုးတို့၏ ကြင်နာတတ်သည့် စိတ်ထားကို ချီးကျူးပြောဆိုလျက်ရှိကြောင်း သိရှိရပါသည်။