ထိုင်းမှာ အာဆင်နယ်အင်္ကျီဝတ်ပြီး မူးယစ်ဆေးဝါးရောင်းနေသူကို ရဲတပ်ဖွဲ့ဝင်တွေက မန်ယူအင်္ကျီဝတ်ဆင်ကာ ဝင်ရောက်ဖမ်းဆီး

ထိုင်းနိုင်ငံတောင်ပိုင်း၊ ဖူးကစ်ခရိုင်တွင် အာဆင်နယ်အသင်းအင်္ကျီဝတ်ဆင်ကာ မူးယစ်ဆေးဝါးရောင်းချနေသည့် နိုက်ဂျီးရီးယားနိုင်ငံသားတစ်ဦးကို ထိုင်းရဲတပ်ဖွဲ့ဝင်များက မန်ချက်စတာယူနိုက်တက် (Man Utd) အင်္ကျီများဝတ်ဆင်ပြီး ဝယ်ယူသူအဖြစ် ဟန်ဆောင်ကာ ဖေဖော်ဝါရီ ၂ ရက်နေ့က ဖမ်းဆီးခဲ့သည်။ ပါတောင်ကျေးရွာတွင် အခြေစိုက်သည့် အဆိုပါအမျိုးသားထံမှ ကိုကင်း ၁၀ ကီလိုဂရမ်၊ မော်တော်ယာဉ်တစ်စီးနှင့် ဖုန်းတစ်လုံးတို့ကို သိမ်းဆည်းရမိခဲ့ခြင်းဖြစ်သည်။ လက်ရှိတွင် အသက် ၃၅ နှစ်အရွယ် Mr. Easy ဆိုသူအား ပါတောင်ရဲစခန်း၌ ထိန်းသိမ်းထားပြီး မူးယစ်ဆေးဝါးရောင်းချမှုဖြင့် အရေးယူရန် စုံစမ်းစစ်ဆေးမှုများ ဆက်လက်လုပ်ဆောင်နေကြောင်း သိရှိရပါသည်