ရခိုင်ပြည်နယ်အတွင်းစိုက်ပျိုးနေတဲ့ပန်းတွေဟာ ဈေးကောင်းရနေတဲ့အတွက် ပန်းစိုက်တောင်သူတွေအနေနဲ့ အတိုင်းအတာတစ်ခုထိ အဆင်ပြေနေကြတယ်လို့ သိရပါတယ်။ဈေးကောင်းရနေတဲ့ပန်းတွေကတော့ မေမြို့၊ ဂန္ဓမာ၊ ကြယ်တာရာနဲ့ ခိုင်ရွှေဝါ(သင်္ကြန်)ပန်းတို့ဖြစ်ကြပါတယ်။ပြီးခဲ့တဲ့နှစ်က အဲဒီပန်းအမျိုးအစားအလိုက် ပန်းတစ်စည်းကို ကျပ် ၁,၅၀၀ လောက်သာရောင်းဈေးရှိခဲ့ရာကနေ လက်ရှိမှာ ပန်းတစ်စည်းကို ကျပ် ၂,ဝဝဝ ကနေ ကျပ် ၃,၀၀၀ အထိ ဈေးကောင်းရနေတာပါ။ဈေးကောင်းရနေတဲ့အတွက် အဲဒီပန်းတွေကို နီးစပ်ရာမြို့နယ်တွေဆီသွားရောက်ရောင်းချနေရတယ်လို့လည်း ကျောက်တော်မြို့နယ်အတွင်း ပန်းစိုက်ပျိုးနေသူ ဦးမောင်ကျော်လှိုင်က ပြောပါတယ်။
