နေအိမ်မှ ပျောက်ဆုံးသွားသော ကြောင်လေးတွေ့ရှိပါက ဘတ် (၁) သိန်းချီးမြှင့်မည်

ထိုင်းနိုင်ငံ၊ နွန်ထဘူရီခရိုင်၊ ဘန်ဘွာထောင်မြို့နယ်၊ လာ့ဟန်ကျေးရွာတွင် ထှုန်င်ထောင်အမည်ရှိ ကြောင်လေးပျောက်ဆုံးသွားသဖြင့် ၎င်းအား တွေ့ရှိပါက ဘတ် ၁ သိန်းချီးမြှင့်ပေးအပ်သွားမည်ဟု ကြောင်ပိုင်ရှင် မိသားစုက ကြေညာထားသည်။ အဆိုပါ ကြောင်လေးသည် ဇန်နဝါရီလ ၂၂ ရက်က နေအိမ်မှ ပျောက်ဆုံးသွားခဲ့ခြင်းဖြစ်ပြီး ကြောင်ပိုင်ရှင်မိသားစုဝင်များက ယင်းကို ပြန်လည်တွေ့ရှိရန် နေ့စဉ်ရှာဖွေမှုများပြုလုပ်နေသည့်အပြင် လူသွားလူလာများသောနေရာများတွင် ကြောင်ပျောက်ကြော်ငြာစာရွက်များကိုလည်း ကပ်ထားကြောင်း သိရသည်။