မင်းဘူးမြို့၌ တပို့တွဲလရာသီ မြန်မာ့ရိုးရာ စုပေါင်းထမနဲထိုးပြိုင်ပွဲ ကျင်းပ

မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့၌ ၂၀၂၆ ခုနှစ်၊ ခရိုင်နှင့်မြို့နယ်အဆင့် ဌာနဆိုင်ရာများ၏ ပဉ္စမအကြိမ်မြောက် တပို့တွဲလရာသီ မြန်မာ့ရိုးရာ စုပေါင်းထမနဲထိုးပြိုင်ပွဲကို ဇန်နဝါရီလ ၃၁ ရက် နေ့လယ် ၃ နာရီအချိန်က မင်းဘူမြို့ အမှတ်(၄)ရပ်ကွက်ရှိ ခရိုင်အားကစားကွင်း အတွင်း၌ ကျင်းပသည်။ပြိုင်ပွဲဝင်အသင်းများက ထမနဲထိုးပြိုင်ပွဲ၌ သတ်မှတ်ထားသော စည်းကမ်းချက်များနှင့်အညီ တက်ညီလက်ညီ ယှဉ်ပြိုင်ခဲ့ရာ အမှတ်ပေးအဖွဲ့မှ ဒိုင်လူကြီးများက လှည့်လည်ကြည့်ရှုအကဲဖြတ် အမှတ်ပေး၍ ထမနဲထိုးပြိုင်ပွဲတွင် ဆုရှိသော အသင်းများအား တာဝန်ရှိသူများက ဆုများကို အသီးသီးပေးအပ်ခဲ့သည်။