အရှေ့တောင်အာရှတွင် သက်တမ်းအရှည်ဆုံး ရန်ကုန်တိရစ္ဆာန်ဥယျာဉ်၏ နှစ် (၁၂၀) ပြည့် အထိမ်းအမှတ်ပွဲတော် စတင်ဖွင့်လှစ်

အရှေ့တောင်အာရှ၏ သက်တမ်းအရှည်ကြာဆုံး တိရစ္ဆာန်ဥယျာဉ်တစ်ခုဖြစ်သည့် ရန်ကုန်တိရစ္ဆာန်ဥယျာဉ်၏ နှစ် (၁၂၀) ပြည့် အထိမ်းအမှတ် အခမ်းအနားကို ဇန်နဝါရီလ ၃၁ ရက် နံနက်ပိုင်းက စည်ကားသိုက်မြိုက်စွာ ဖွင့်လှစ်ခဲ့ရာ လာရောက်လည်ပတ်သူ များပြားလျက်ရှိသည်။ အဆိုပါ ဖွင့်ပွဲအခမ်းအနားသို့ ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းနှင့် အစိုးရအဖွဲ့ဝင်များ၊ တာဝန်ရှိသူများ တက်ရောက်ဖွင့်လှစ်ပေးခဲ့ကြပြီး၊ ရန်ကုန်တိရစ္ဆာန်ဥယျာဉ်၏ ရာပြည့်ကျော် သမိုင်းမှတ်တိုင်ကို ဂုဏ်ပြုသည့်အနေဖြင့် ပျော်ပွဲရွှင်ပွဲများနှင့်အတူ ကျင်းပလျက်ရှိကြောင်း သိရှိရပါသည်။