ရန်ကုန်-နေပြည်တော်အမြန်လမ်းတွင် ယာဉ်နှစ်စီးတိုက်မိပြီး ယာဉ်မောင်းတစ်ဦး သေဆုံးကာ လေးဦး ဒဏ်ရာရ

ရန်ကုန်-နေပြည်တော် အမြန်လမ်းမကြီး၊ မိုင်တိုင် ၃၂ အနီးတွင် ဇန်နဝါရီလ ၃၁ ရက် ညနေပိုင်းက Toyota Levin ယာဉ်တစ်စီးသည် ရှေ့မှ Toyota Probox ယာဉ်အား ကျော်တက်ရာမှ တိုက်မိမှုဖြစ်ပွားပြီး Probox ယာဉ်မောင်း သေဆုံးကာ ယာဉ်ပေါ်ပါသူ လေးဦး ဒဏ်ရာရရှိခဲ့သည်။ Probox ယာဉ်မှာ အမြန်ယာဉ်ကြောမှ အနှေးယာဉ်ကြောသို့ အကူးတွင် နောက်မှ အရှိန်ဖြင့်လာသော Levin ယာဉ်က အနောက်ပိုင်းကို တိုက်မိခဲ့ခြင်းဖြစ်ပြီး၊ Probox ယာဉ်မှာ လမ်းလယ်ကျွန်းရှိ ထန်းပင်ကို ဝင်တိုက်ကာ ယာဉ်မောင်းမှာ အခင်းဖြစ်နေရာ၌ပင် သေဆုံးခဲ့ခြင်းဖြစ်သည်။ အဆိုပါဖြစ်စဉ်မှ ဒဏ်ရာရရှိသူများကို ဘောနတ်ကြီးအမြန်လမ်းမီးသတ်တပ်ဖွဲ့နှင့် လူမှုကူညီရေးအသင်းတို့က ပဲခူးဆေးရုံကြီးသို့ ပို့ဆောင်ပေးခဲ့ကာ သက်ဆိုင်ရာက အမြန်လမ်းအသုံးပြုသူများအနေဖြင့် ယာဉ်ကြောပြောင်းလဲချိန်နှင့် ကျော်တက်ချိန်တွင် အထူးသတိပြုရန် တိုက်တွန်းနှိုးဆော်ထားသည်။