နေပြည်တော်တွင် ဇန်နဝါရီ ၂၉ရက်နေ့ညနေပိုင်းတွင်ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန (သတ္တမအကြိမ်) ဝန်ထမ်းမိသားစု ထမနဲထိုးပြိုင်ပွဲကို အဆိုပါဝန်ကြီးဌာန၌ ကျင်းပသည်။အဆိုပါ ထမနဲထိုးပြိုင်ပွဲကို မြန်မာ့ဓလေ့ရိုးရာ ယဉ်ကျေးမှုအစဉ်အလာကို ထိန်းသိမ်းစောင့်ရှောက်တတ်စေရန်၊ ဝန်ထမ်းများအကြား စည်းလုံးညီညွတ်မှုနှင့် ချစ်ကြည်ရင်းနှီးမှုတိုးပွားစေရန်၊ ဝန်ထမ်းအချင်းချင်း အပြန်အလှန်ညီညွတ်မျှတစွာဖြင့် ပူးပေါင်းဆောင်ရွက်တတ်စေရန် ရည်ရွယ်ကျင်းပပေးခြင်းဖြစ်ကြောင်း သတင်းရရှိသည်။
