တရုတ်နိုင်ငံက ၂၀၂၆ ခုနှစ် နွေဦးပွဲတော် ခရီးသွားကာလအတွင်း ခရီးသည်ခရီးစဉ်များ စံချိန်တင်မြင့်မားရန် မျှော်မှန်း

"ချန်းယွင့်" ဟု လူသိများသည့် ၂၀၂၆ ခုနှစ် တရုတ်နှစ်သစ်ကူး နွေဦးပွဲတော် ခရီးသွားကာလအတွင်း တရုတ်နိုင်ငံတစ်ဝန်း ဒေသအသီးသီးမှ ခရီးသည်ခရီးစဉ်များအနေဖြင့် ၉.၅ ဘီလီယံအထိ စံချိန်တင်မြင့်မားရန် မျှော်မှန်းထားကြောင်း တရုတ်နိုင်ငံ အမျိုးသားဖွံ့ဖြိုးတိုးတက်ရေးနှင့် ပြုပြင်ပြောင်းလဲရေးကော်မရှင် (NDRC) က ဇန်နဝါရီ ၂၉ ရက်၌ ထုတ်ပြန်ခဲ့သည်။ကိုယ်ပိုင်ကားများဖြင့်သွားလာသည့် ခရီးစဉ်များက စုစုပေါင်းခရီးသွားလာမှု၏ ၈၀ ရာခိုင်နှုန်းခန့်ရှိကာ ယင်းခရီးစဉ်များက တရုတ်နိုင်ငံ၏ အဆိုပါကာလအတွင်း ခရီးသွားလာမှု၌ ဆက်လက်လွှမ်းမိုးထားမည်ဖြစ်ကြောင်း NDRC ၏ ဒုတိယအကြီးအကဲ လီချွမ်းလျင် က သတင်းစာရှင်းလင်းပွဲတစ်ခုတွင် ပြောကြားခဲ့သည်။ရထားလမ်းနှင့် အရပ်ဘက်လေကြောင်းခရီးသည်အရေအတွက်အနေဖြင့် သန်း ၅၄၀ နှင့် ၉၅ သန်းစီ အသီးသီးရောက်ရှိမည်ဟု ခန့်မှန်းထားပြီး စုစုပေါင်းပမာဏနှင့် နေ့စဉ်အသွားအလာအများဆုံးပမာဏ နှစ်ခုစလုံးက သမိုင်းဝင်အဆင့်များကို ကျော်လွန်မည်ဟု မျှော်မှန်းရကြောင်း လီ က ပြောကြားခဲ့သည်။