မြန်မာနိုင်ငံတွင် ယခုနှစ်ပိုင်းအတွင်း ထိုင်းထီထိုးသူ များပြားလာကာ ရောင်းအားကောင်းနေ

မြန်မာနိုင်ငံတွင် ယခုနှစ်ကာလအတွင်း နိုင်ငံစီးပွားရေးကျဆင်းလာမှုနှင့်အတူ ပြည်သူများမှာလည်း စားဝတ်နေရေးကျပ်တည်းမှုကြားတွင် ထိုင်းထီထိုးသူ များပြားလာနေကြောင်း သိရသည်။အရင်းအနှီးပမာဏအနည်းငယ်ဖြင့် အမြတ်များများရနိုင်သော ထီထိုးခြင်းက ပြည်သူများအတွက် စိတ်ထွက်ပေါက်တစ်ခုဖြစ်လာကြောင်း ထိုင်းထီရောင်းချသူများက ပြောဆိုကြသည်။ထိုင်းထီတွင် ဂဏန်းခြောက်လုံးပါဝင်ပြီး တစ်တွဲလျှင် စောင်ရေ တစ်သန်းထုတ်ကာ လစဉ် စောင်ရေ သန်း ၉၀ အထိ ထုတ်ခြင်းဖြစ်သည်။ထိုင်းထီသည် တစ်လတွင် နှစ်ကြိမ်၊ အများအားဖြင့် လစဉ် ၁ ရက်နေ့နှင့် ၁၆ ရက်နေ့တွင် ထွက်လေ့ရှိပြီး ထိုင်းနိုင်ငံ အခါကြီးရက်ကြီးများတွင်မူ ထွက်မည့်နေ့ အပြောင်းပြောင်းလဲတတ်ကြောင်း သိရသည်။ထိုင်းထီ ပထမဆုမှာ ဂဏန်း ၆ လုံးတူရမည်ဖြစ်သည်။ ဘတ် ၆ သန်းသတ်မှတ်ထားကာ ထီပေါက်သည့် အဆင့် ၅ ခု အထိ ရှိပြီး ရှေ့ ၃ လုံးတူ၊ နောက် ၂ လုံးတူ စသည်ဖြင့်လည်း ဆုကြေးအသေးများ ရှိသေးသည်။ယင်းကဲ့သို့ ထီပေါက်နှုန်းမြင့်မားသည့် ထိုင်းထီကို မြန်မာနိုင်ငံအတွင်းရှိ နေရာအနှံ့အပြားမှ ကံစမ်းကြပြီး ထီ ပထမဆု ပေါက်သူများလည်းရှိနေသဖြင့် ပိုမို ထီထိုးနှုန်းမြင့်မားလာခြင်းဖြစ်သည်။