သံဓာတ်ချို့တဲ့ခြင်းကြောင့် ဝက်ငယ်များတွင် ဝမ်းဖြူသွားခြင်းရောဂါ

ဝက်ကလေးများ အသက် ၁၀ ရက်ကျော်လာပါက မိခင်နို့မှရရှိသော သံဓာတ် မလုံလောက်တော့သဖြင့် သံဓာတ်အားဆေး ကြိုတင်မရရှိပါက ဝမ်းအရောင်မှာ မီးခိုးရောင်မှ အဖြူရောင်အရည်များအဖြစ် ပြောင်းလဲကာ ပိန်ချုံးသေဆုံးတတ်သည့် ဝမ်းဖြူရောဂါ ဖြစ်ပွားတတ်ကြောင်း မွေးမြူရေးနှင့် ကုသရေးပညာရှင် ဒေါက်တာစောထွန်းထွန်းက အသိပေးထားသည်။ အဆိုပါရောဂါကို ကာကွယ်ရန် ဝက်ကလေး အသက် ၃ ရက်နှင့် ၇ ရက်သားတို့တွင် သံဓာတ်အားဆေး ကြိုတင်ထိုးပေးထားရမည်ဖြစ်ပြီး၊ ရောဂါဖြစ်ပွားပါက သံဓာတ်ထိုးဆေး (သို့မဟုတ်) လူသုံးဆေးဆိုင်များတွင် ဝယ်ယူရရှိနိုင်သော ဖဲရပ်ဆာလဖိတ် (Ferrous Sulfate) ဆေးလုံးကို တစ်နေ့တစ်လုံးနှုန်းဖြင့် ၃ ရက်ဆက်တိုက် တိုက်ကျွေးကုသနိုင်သည့်အပြင် ဤရောဂါသည် လူသို့ကူးစက်ခြင်းမရှိကြောင်း သိရှိရပါသည်။