ရန်ကုန်တိုင်းဝန်ကြီးချုပ်နှင့် တာဝန်ပြီးဆုံးမည့် ထိုင်းသံအမတ်ကြီးတို့ တွေ့ဆုံကာ နှစ်နိုင်ငံကုန်သွယ်ရေးနှင့် ဖွံ့ဖြိုးတိုးတက်ရေး ဆွေးနွေး

ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းသည် တာဝန်ပြီးဆုံး၍ ပြန်လည်ထွက်ခွာတော့မည့် မြန်မာနိုင်ငံဆိုင်ရာ ထိုင်းနိုင်ငံသံအမတ်ကြီး H.E. Mr. Mongkol Visitstump အား ဇန်နဝါရီ ၂၈ ရက်တွင် လက်ခံတွေ့ဆုံခဲ့သည်။ တွေ့ဆုံပွဲတွင် မြန်မာနှင့် ထိုင်းနှစ်နိုင်ငံကြား ကုန်သွယ်မှုနှင့် ရင်းနှီးမြှုပ်နှံမှုကဏ္ဍများ မြှင့်တင်ရန်၊ ချစ်ကြည်ရင်းနှီးမှု ပိုမိုခိုင်မာစေရန်နှင့် ဒေသတွင်းဖွံ့ဖြိုးတိုးတက်ရေးဆိုင်ရာ ကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြကြောင်း သိရှိရပါသည်။