ဂမ်ဘီယာနှင့် မြန်မာအမှု၏ ကြားနာပွဲ ဆက်လက်ပြုလုပ်နေ

နယ်သာလန်နိုင်ငံ၊ သည်ဟိတ်ဂ်မြို့ရှိ အပြည်ပြည်ဆိုင်ရာတရားရုံး (ICJ) တွင် ဂမ်ဘီယာနိုင်ငံမှ မြန်မာနိုင်ငံအပေါ် စွဲဆိုထားသည့် အမှုနှင့်ပတ်သက်၍ နှုတ်ဖြင့်လျှောက်လဲမှုကို ဇန်နဝါရီ ၁၂ ရက်မှ ၂၉ ရက်အထိ ပြုလုပ်လျက်ရှိရာ၊ ဂမ်ဘီယာနိုင်ငံဘက်မှ ဒုတိယအကျော့ လျှောက်လဲချက်များကို ဇန်နဝါရီ ၂၇ ရက်နှင့် ၂၈ ရက်တို့တွင် ဆက်လက်တင်ပြနေသည်။ အဆိုပါကြားနာပွဲတွင် တရုတ်နိုင်ငံသား တရားသူကြီး Mrs. Xue အပါအဝင် တရားသူကြီး ၁၅ ဦး တက်ရောက်နေပြီး၊ ဂမ်ဘီယာရှေ့နေများက မြန်မာနိုင်ငံသည် လူမျိုးသုဉ်းစေလိုသည့် ရည်ရွယ်ချက်ရှိကြောင်း စွပ်စွဲချက်များဖြင့် လျှောက်လဲခဲ့ကြကြောင်း သိရှိရပါသည်။