မန္တလေး မဟာမုနိဘုရားကြီး၌ ဆဋ္ဌမအကြိမ်မြောက် ဓမ္မသဘင်ဆင်ယင်ကျင်းပမည်

မန္တလေးမြို့၊ မဟာမုနိဘုရားကြီး၏ (၆၇) ကြိမ်မြောက် ဗုဒ္ဓပူဇနိယပွဲတော် အထိမ်းအမှတ်အဖြစ် ဆဋ္ဌမအကြိမ်မြောက် ဓမ္မသဘင်ကို ဇန်နဝါရီ ၂၇ ရက်မှ ၂၉ ရက်အထိ သုံးရက်တိုင်တိုင် ညနေ ၅ နာရီမှစတင်၍ စည်ကားသိုက်မြိုက်စွာ ကျင်းပသွားမည်ဖြစ်သည်။ အဆိုပါ တရားပွဲတွင် ဇန်နဝါရီ ၂၇ ရက်၌ မစိုးရိမ်တိုက်သစ်ဆရာတော်ကြီးကလည်းကောင်း၊ ဇန်နဝါရီ ၂၈ ရက်နှင့် ၂၉ ရက်တို့တွင် သီတဂူဆရာတော်ကြီးကလည်းကောင်း နိဗ္ဗာန်ရောက်ကြောင်း တရားတော်များကို ဟောကြားချီးမြှင့်တော်မူမည်ဖြစ်ရာ တရားနာပရိသတ်များ ကုသိုလ်ယူတရားနာယူနိုင်ကြောင်း သိရှိရပါသည်။