မော်လမြိုင်-ရန်ကုန်ကားလမ်းပေါ်တွင် ကားတစ်စီးအရှိန်လွန်ကာ တိမ်းမှောက်

မွန်ပြည်နယ်၊ သထုံမြို့နယ်၊ မော်လမြိုင်-ရန်ကုန်ကားလမ်းပေါ်ရှိ တံတားဦးကျေးရွာ အမကကျောင်းရှေ့တွင် ၂၀၂၆ ခုနှစ်၊ ဇန်နဝါရီ ၂၇ ရက် ညနေ ၃ နာရီအချိန်ခန့်က မော်တော်ယာဉ်တစ်စီး အရှိန်လွန်ကာ တိမ်းမှောက်မှုဖြစ်ပွားခဲ့သည်။ အဆိုပါယာဉ်မတော်တဆမှုကြောင့် ထိခိုက်ဒဏ်ရာရရှိခဲ့သည့် လူနာအား ပီတိနှလုံးသားလူမှုကယ်ဆယ်ရေးအသင်းက သိမ်ဆိပ်ဆေးရုံကြီးသို့ အရေးပေါ်ပို့ဆောင်ကူညီပေးခဲ့ကြောင်းနှင့် လက်ရှိတွင် သက်ဆိုင်ရာက လိုအပ်သည်များကို ဆက်လက်ဆောင်ရွက်လျက်ရှိကြောင်း သိရှိရပါသည်။