တရုတ်သည် ၂၀၂၆တွင်ပြင်းထန်သောရာသီဥတုကိုပိုမိုခန့်မှန်းနိုင်‌စေမည်

တရုတ်နိုင်ငံသည် ပြင်းထန်သော ရာသီဥတုဖြစ်ရပ်များကို ပိုမိုတိကျစွာ ကြိုတင်ခန့်မှန်းနိုင်ရန်အတွက် ဉာဏ်ရည်တု (AI) နည်းပညာသုံး ခန့်မှန်းမှုစနစ်သစ်ကို အရှိန်မြှင့်လုပ်ဆောင်သွားမည်ဖြစ်ကြောင်း ဇန်နဝါရီ ၂၆ ရက်တွင် ကျင်းပသည့် အမျိုးသားမိုးလေဝသညီလာခံ၌ ထုတ်ဖော်ပြောကြားခဲ့သည်။ မိုးလေဝသဌာန အကြီးအကဲ ချန်ဇန်လင်၏ အဆိုအရ တိုက်ဖွန်းမုန်တိုင်းနှင့် မိုးသည်းထန်စွာရွာသွန်းမှု ခန့်မှန်းချက်များကို ပိုမိုကောင်းမွန်စေရန် ကိရိယာအသစ်များ တီထွင်သွားမည်ဖြစ်ပြီး၊ အထူးသဖြင့် ၂၀၂၆ ခုနှစ်တွင် စိုက်ပျိုးရေးကဏ္ဍအတွက် မိုးလေဝသဝန်ဆောင်မှုစနစ်သစ်နှင့် ရာသီဥတုအရင်းအမြစ် ဇုန်ခွဲခြင်းလုပ်ငန်းများကို အလေးပေးဆောင်ရွက်မည်ဖြစ်သည်။ ပြီးခဲ့သည့်နှစ်အတွင်း ရေကြီးမှုနှင့် မုန်တိုင်းခန့်မှန်းချက် အမှားအယွင်းများကို လျှော့ချနိုင်ခဲ့သည့် အတွေ့အကြုံများအပေါ် အခြေခံ၍ ယခုကဲ့သို့ နည်းပညာမြှင့်တင်မှုများ ပြုလုပ်ခြင်းဖြင့် သဘာဝဘေးအန္တရာယ် ကြိုတင်ပြင်ဆင်မှုနှင့် အစိုးရဌာနများအကြား ပူးပေါင်းဆောင်ရွက်မှုကို ပိုမိုခိုင်မာစေမည်ဖြစ်ကြောင်း သိရှိရပါသည်။