ကမ္ဘောဒီးယားက ထိုင်းနယ်စပ်အနီးတွင် ကတုတ်ကျင်းများ တူးနေ

ထိုင်းနိုင်ငံ၊ ထရက်ပြည်နယ်နှင့် ဆန့်ကျင်ဘက်နေရာ ၃ နေရာတွင် ကမ္ဘောဒီးယားတပ်ဖွဲ့များက ကတုတ်ကျင်းနှင့် မြောင်းများ တူးဖော်နေပြီး တူးမြောင်းမှာ နယ်စပ်တစ်လျှောက် တစ်ကီလိုမီတာကျော် ရှည်လျားပြီး ထိုင်းတပ်စခန်းများနှင့် မီတာ ၅၀၀ ခန့်သာ ကွာဝေးကြောင်း ရေတပ်သတင်းရင်းမြစ်က ယနေ့ ပြောကြားသည်။ကတုတ်မြောင်းတူးဖော်မှုသည် ထရက်ပြည်နယ် ဘမ်ဆမ်လန်ဒေသ တစ်ဖက်တစ်ချက်တွင်ဖြစ်ကာ အနီးအနားမှ ဘန်သာဆင်၊ ဘန်နောင်ရီး၊ ဘန်ချာမက် ဒေသများအထိ ရောက်ရှိသည်ဟု ဆိုသည်။ ၎င်းလုပ်ရပ်ကို ထိုင်းတပ်ဖွဲ့များနှင့် ထိပ်တိုက်ဆိုင်ထားသည့် ပုံစံအဖြစ် ဖော်ပြသည်။အပစ်အခတ်ရပ်စဲမှုအပြီးတွင် ကမ္ဘောဒီးယားတပ်များက ထိုင်းနယ်စပ်စခန်းများနှင့် အပြိုင် ကတုတ်ကျင်းမြောင်းများကို တစ်ကီလိုမီတာကျော် အထိ တိုးချဲ့ဖောက်လုပ်ခဲ့ကြောင်း သတင်းရင်းမြစ်က ဆိုသည်။သို့သော် ကမ္ဘောဒီးယား တပ်ဖွဲ့များ၏ လှုပ်ရှားမှုများသည် ကမ္ဘောဒီးယားပိုင်နက် နယ်မြေအတွင်း၌သာ ဖြစ်ပြီး ထိုင်းနယ်စပ်ကို ထိပါးခြင်း မရှိကြောင်း သတင်းရင်းမြစ်က အလေးအနက် ပြောကြားသည်။