သမ္မတရှီကျင့်ဖျင်၏ လူယုံတော် တရုတ်ထိပ်တန်းစစ်ဗိုလ်ချုပ်ကြီး ကျန်ယူရှား အကျင့်ပျက်ခြစားမှုဖြင့် စုံစမ်းစစ်ဆေးခံရ

တရုတ်နိုင်ငံ၏ ရာထူးအကြီးဆုံး စစ်ဘက်အရာရှိတစ်ဦးဖြစ်ပြီး သမ္မတရှီကျင့်ဖျင်နှင့် အနီးကပ်ဆုံးမဟာမိတ်ဟု ရှုမြင်ခံရသူ ဗိုလ်ချုပ်ကြီး ကျန်ယူရှားသည် ပြင်းထန်သော စည်းကမ်းနှင့် ဥပဒေချိုးဖောက်မှု (အကျင့်ပျက်ခြစားမှု) များကြောင့် စုံစမ်းစစ်ဆေးခံနေရကြောင်း တရုတ်ကာကွယ်ရေးဝန်ကြီးဌာနက အတည်ပြုပြောကြားလိုက်သည်။ ဗဟိုစစ်ကော်မရှင် ဒုတိယဥက္ကဋ္ဌနှင့် ပေါ်လစ်ဗျူရိုအဖွဲ့ဝင်ဖြစ်သူ အသက် ၇၅ နှစ်အရွယ် ဗိုလ်ချုပ်ကြီးကျန်နှင့်အတူ အခြားထိပ်တန်းအရာရှိတစ်ဦးဖြစ်သူ ဗိုလ်ချုပ်ကြီး လျူကျင်းလီကိုလည်း စုံစမ်းစစ်ဆေးနေကြောင်း သိရသည်။ ဤဖြစ်စဉ်သည် ပြီးခဲ့သည့် အောက်တိုဘာလအတွင်းက ထိပ်တန်းဗိုလ်ချုပ်ကြီး ၉ ဦးကို ထုတ်ပယ်ခဲ့ပြီးနောက် ထွက်ပေါ်လာသည့် ဆယ်စုနှစ်များစွာအတွင်း တရုတ်စစ်ဘက်အပေါ် အကြီးမားဆုံးသော နှိမ်နင်းမှုတစ်ခုဖြစ်သည်။ ယခုအခါ ဗဟိုစစ်ကော်မရှင်တွင် မူလအဖွဲ့ဝင် ၇ ဦးရှိရာမှ သမ္မတရှီအပါအဝင် ၂ ဦးသာ ကျန်ရှိတော့သည်အထိ စစ်ဘက်အတွင်း အကျင့်ပျက်ခြစားမှု တိုက်ဖျက်ရေးကို ပြင်းပြင်းထန်ထန် လုပ်ဆောင်နေကြောင်း သိရှိရပါသည်။