ရှမ်းပြည် တောင်ပိုင်း၊ ရပ်စောက်လမ်းတစ်လျှောက် စစ်ဆေးရေးဂိတ် များတွင် လမ်းကြေး အဆမတန် တောင်းခံနေခြင်းကြောင့် ကုန်စည်စီးဆင်းမှု ထက်ဝက်ကျော်လျော့နည်းသွားသည်ဟု ဒေသတွင်း သတင်းရင်းမြစ် များက ပြောသည်။စစ်ဆေးရေး ဂိတ် ၂၅ ခုက လမ်းကြေး သိန်း ၂၀ အထိ တောင်းခံနေသည်ဟု ယာဉ်မောင်းများက ပြောသည်။ရပ်စောက်သို့ ဝင်ရောက်ရာ မြို့ဦးဂိတ်တွင် တစ်စီးလျှင် ၂ သိန်းကျပ် ပေးဆောင် နေရသလို၊ ကျောက်ဂူဘက်မှ တက်လာပါက ဘန်းကန်ကျေးရွာဂိတ်တွင် ဘီးခွန်အဖြစ် တစ်နှစ်စာ တစ်သိန်းကျပ် ထပ်မံပေးဆောင်နေရသည်ဟု ဆိုသည်။အဆိုးရွားဆုံးမှာ ဘန်းကန်ကျေးရွာဂိတ်တွင် သီးနှံခွန် အမည်ဖြင့် ၁၀ ဘီးကားတစ်စီးလျှင် သိန်း ၂၀ ကျပ်၊ ၆ ဘီးကား ၁၈ သိန်းကျပ်နှင့် ၁၂ ဘီးကား ၁၅ သိန်းကျပ် စသည့်ဖြင့် မတန်တဆ ကောက်ခံနေခြင်း ဖြစ်သည်။
