ကွန်ပျူတာတက္ကသိုလ် (ပုသိမ်)၌ (၁၅) ကြိမ်မြောက် ဘွဲ့နှင်းသဘင်အခမ်းအနားကျင်းပ

ဧရာဝတီတိုင်း‌ဒေသကြီး၊ ပုသိမ်မြို့  ကွန်ပျူတာတက္ကသိုလ် (ပုသိမ်)၌ (၁၅) ကြိမ်မြောက် ဘွဲ့နှင်းသဘင်အခမ်းအနားကို ယနေ့နံနက်ပိုင်းက အဆိုပါတက္ကသိုလ်၏ ဘွဲ့နှင်းသဘင်ခန်းမတွင် ကျင်းပသည်။ဦးစွာ ကွန်ပျူတာတက္ကသိုလ်(ပုသိမ်)မှ ဒုတိယပါမောက္ခချုပ်က မဟာကွန်ပျူတာသိပ္ပံဘွဲ့(M.C.Sc) (၁)ဦး၊ ကွန်ပျူတာသိပ္ပံဘွဲ့(B.C.Sc)(၅၇)ဦး၊ ကွန်ပျူတာနည်းပညာဘွဲ့(B.C.Teth)(၉)ဦး၊  ကွန်ပျူတာသိပ္ပံဘွဲ့(B.C.Sc)အဝေးရောက်ဘွဲ့ယူသူ(၈)ဦး၊ ကွန်ပျူတာနည်းပညာဘွဲ့(B.C.Teth)အဝေးရောက်ဘွဲ့ယူသူ(၁)ဦးတို့အား စုစုပေါင်း(၇၆)ဦးအား ဘွဲ့များအပ်နှင်းသည်။ကွန်ပျူတာတက္ကသိုလ်(ပုသိမ်)ကို ၂၀၀၀ ပြည့်နှစ်တွင် စတင်ဖွင့်လှစ်ခဲ့ရာ ယနေ့အချိန်အထိ မဟာဘွဲ့ရရှိသူ (၇၃)ဦး၊ ရိုးရိုးဘွဲ့နှင့် ဒီပလိုမာဘွဲ့ အပါအဝင် စုစုပေါင်းဘွဲ့ရရှိသူဦးရေ (၂,၀၃၂)ဦးကို ဘွဲ့အပ်နှင်းချီးမြှင့်နိုင်ခဲ့ပြီဖြစ်ကြောင်းသိရသည်။