ပဋိပက္ခဒေသရှိ တောင်သူများအတွက် ရေရှည်စိုက်ပျိုးရေးနည်းပညာနှင့် ထောက်ပံ့မှုများကို ICRC ဆောင်ရွက်ပေးနေ

အပြည်ပြည်ဆိုင်ရာ ကြက်ခြေနီကော်မတီ (ICRC) သည် လက်နက်ကိုင်ပဋိပက္ခများဖြစ်ပွားနေသည့် ကချင်၊ ရှမ်း၊ ကရင်ပြည်နယ်နှင့် မန္တလေးတိုင်းတို့ရှိ ဒေသခံများ အသက်မွေးဝမ်းကျောင်းလုပ်ငန်းများ ဆက်လက်ရပ်တည်နိုင်ရန် ရည်ရွယ်၍ ရေရှည်ထောက်ပံ့မှုများ ပေးအပ်လျက်ရှိသည်။ အထူးသဖြင့် ရပ်ရွာအခြေပြုစိုက်ပျိုးထုတ်လုပ်ရေးသင်တန်း (CAPT) မှတစ်ဆင့် တောင်သူကိုယ်စားလှယ်များအား မြေဆီလွှာထိန်းသိမ်းနည်းနှင့် သဘာဝမြေသြဇာထုတ်လုပ်အသုံးပြုနည်းများကို လက်တွေ့သင်ကြားပေးခဲ့ရာ ၂၀၂၆ ခုနှစ်အတွင်း၌ အဆိုပါနည်းပညာများကို တောင်သူအချင်းချင်း ပြန်လည်မျှဝေသည့်အဆင့်သို့ ရောက်ရှိလာပြီဖြစ်သည်။ ယခုအခါ သင်တန်းဆင်းတောင်သူများမှာ သဘာဝမြေသြဇာကို ပြောင်းလဲအသုံးပြုခြင်းဖြင့် စိုက်ပျိုးစရိတ်ကို လျှော့ချနိုင်ခဲ့သည့်အပြင် သီးနှံများ ပိုမိုသန်စွမ်းလာပြီး မြေဆီလွှာအရည်အသွေးများလည်း ကောင်းမွန်လာကြောင်း ICRC က ထုတ်ပြန်ထားပါသည်။