ကမ္ဘောဒီးယားနိုင်ငံသည် တောင်ကိုရီးယားနိုင်ငံသား ၇၃ ဦးနှင့် မြန်မာနိုင်ငံသား ၁၃၆ ဦးကို ပြည်နှင်ဒဏ်ပေး

နိုင်ငံဖြတ်ကျော် ရာဇဝတ်မှုများနှင့် နည်းပညာအခြေပြု လိမ်လည်မှုများကို နှိမ်နင်းရန် စီမံချက်များအနေဖြင့် ကမ္ဘောဒီးယားနိုင်ငံသည် တောင်ကိုရီးယားနိုင်ငံသား ၇၃ ဦးနှင့် မြန်မာနိုင်ငံသား ၁၃၆ ဦး အပါအဝင် နိုင်ငံခြားသား ၂၀၉ ဦးကို ပြည်နှင်ဒဏ်ပေးခဲ့ပြီး ၎င်းတို့၏ သက်ဆိုင်ရာအစိုးရများသည် နောက်ထပ်ဥပဒေလုပ်ထုံးလုပ်နည်းများဖြင့် ဆက်လက်ဆောင်ရွက်နိုင်မည်ဖြစ်ကြောင်း ပြည်ထဲရေးဝန်ကြီးဌာန၏ အထွေထွေလူဝင်မှုကြီးကြပ်ရေးဌာနမှ သတင်းထုတ်ပြန်သည်။ ယခုနှစ်ဆန်း ရက်ပိုင်းအတွင်း (ဇန်နဝါရီ ၁ ရက်မှ ၂၂ ရက်အတွင်း) ကမ္ဘောဒီးယားနိုင်ငံသည် နိုင်ငံခြားသား ၁၆၂၀ ဦးကို ပြည်နှင်ခဲ့ပြီး ဗီယက်နမ်၊ ထိုင်း၊ တရုတ်၊ ပါကစ္စတန်၊ အင်ဒိုနီးရှား၊ တောင်ကိုရီးယားနှင့် မြန်မာ အပါအဝင် နိုင်ငံပေါင်း ၂၁ နိုင်ငံမှ နိုင်ငံသားများပါဝင်သည်။