ထိုင်းနိုင်ငံ၊ဘန်ကောက်မြို့မှာရှိတဲ့ ခွေးနဲ့ ကြောင်ပိုင်ရှင်တွေအနေနဲ့ မိမိတို့ရဲ့ အိမ်မွေးတိရစ္ဆာန်တွေကို စည်းမျဉ်းသစ်အရ မှတ်ပုံတင်စာရင်းသွင်းပြီး ခန္ဓာကိုယ်ထဲမှာ Microchip ထည့်သွင်းဖို့ အမိန့်ထုတ်ပြန်လိုက်ပါတယ်။ ဒီစည်းမျဉ်းကို လိုက်နာဖို့ ပျက်ကွက်ရင် ဥပဒေအရ အရေးယူခံရမှာ ဖြစ်ပါတယ်။အဓိကအချက်အလက်များမှာ-
စတင်အသက်ဝင်မည့်ရက် - ၂၀၂၆ ခုနှစ်၊ ဇန်နဝါရီလ ၂၄ ရက်နေ့ကစပြီး အကျုံးဝင်မှာ ဖြစ်ပါတယ်။ ရည်ရွယ်ချက် - မြို့ပြတိရစ္ဆာန် စီမံခန့်ခွဲမှုစနစ်ကို ခေတ်မီအောင် ပြုလုပ်ဖို့၊ ပျောက်ဆုံးသွားတဲ့ တိရစ္ဆာန်တွေကို ပြန်ရှာနိုင်ဖို့နဲ့ ရောဂါထိန်းချုပ်ဖို့ ရည်ရွယ်ပါတယ်။Microchip စံနှုန်း - တိရစ္ဆာန်ရဲ့ ပခုံးနှစ်ဖက်ကြား အရေပြားအောက်မှာ ထည့်သွင်းရမယ့် RFID microchip ဟာ နိုင်ငံတကာစံချိန်မီ (ISO11784/ISO11785) ဖြစ်ရမှာဖြစ်ပြီး ဂဏန်း ၁၅ လုံးပါတဲ့ သီးသန့် ID နံပါတ် ပါဝင်ရမှာ ဖြစ်ပါတယ်။မှတ်ပုံတင်နိုင်သည့် နေရာများမှာ-ပိုင်ရှင်တွေအနေနဲ့ အောက်ပါနေရာတွေမှာ သွားရောက်မှတ်ပုံတင်နိုင်သလို ThaID application ကိုအသုံးပြုပြီး https://petregis.bangkok.go.th ဝက်ဘ်ဆိုက်ကနေလည်း အွန်လိုင်း စာရင်းသွင်းနိုင်ပါတယ်။
1. ခရိုင်ရုံးများနဲ့ ဘန်ကောက်တိရစ္ဆာန်ဆေးကုခန်းများ2. ခွင့်ပြုချက်ရ အစိုးရနှင့် ပုဂ္ဂလိက တိရစ္ဆာန်ဆေးခန်းများ3. စိုက်ပျိုးရေးနှင့် ဆည်မြောင်းဝန်ကြီးဌာန၊ ဒေသန္တရအစိုးရရုံးများ၊ ထိုင်းကြက်ခြေနီအသင်း4. မိုဘိုင်း တိရစ္ဆာန်ဆေးကုသရေး ယူနစ်မျ,ားနဲ့ပိုင်ရှင်တွေရဲ့ တာဝန်မှာမှတ်ပုံတင်တာအပြင် အောက်ပါ အပြောင်းအလဲတွေရှိရင်လည်း သက်ဆိုင်ရာကို မဖြစ်မနေ အသိပေးရမှာ ဖြစ်ပါတယ်။အဆိုပါအပြောင်းအလဲမှာ-
✅ ပိုင်ရှင်အပြောင်းအလဲ၊✅ လိပ်စာ ပြောင်းလဲခြင်း၊✅ မှတ်ပုံတင်ကတ် ပျောက်ဆုံး/ပျက်စီးခြင်း၊✅ တိရစ္ဆာန် ပျောက်ဆုံးခြင်း သို့မဟုတ် သေဆုံးခြင်း၊✅ လူကို ရန်မူတိုက်ခိုက်တတ်တဲ့ အန္တရာယ်ရှိ တိရစ္ဆာန်ဖြစ်ခြင်းတို့ဖြစ်ပါတယ်။
