ဖိလစ်ပိုင်သမ္မတ ဖာဒီနန် မားကို့စ် ဂျူနီယာက သူသည် အစာခြေစနစ်ဆိုင်ရာ ဝေဒနာတစ်ခုမှ ပြန်လည်သက်သာလာနေပြီဖြစ်ကြောင်းနှင့် ၎င်းမှာ အသက်အန္တရာယ်စိုးရိမ်ရသည့် အခြေအနေမဟုတ်ကြောင်း ကြာသပတေးနေ့တွင် လူထုကို အသိပေးပြောကြားခဲ့ကြောင်း သိရသည်။သမ္မတရုံးက ထုတ်ပြန်သည့် ဗီဒီယိုတစ်ခုတွင် မားကို့စ်က သူသည် အူမကြီးနံရံရှိ အိတ်ငယ်လေးများ ရောင်ရမ်းသည့်ရောဂါဖြစ်ပွားနေသည်ဟု ပြောကြားခဲ့သည်။ ဤဝေဒနာသည် အလွန်အမင်း စိတ်ဖိစီးမှုများသူများနှင့် အသက်အရွယ်ကြီးရင့်လာသူများတွင် ဖြစ်လေ့ရှိကြောင်း သူက ပြောသည်။
