တရုတ်နိုင်ငံ၊ရှန်ဟိုင်း၌ အများသုံးဒရုန်းများ ‘အခမဲ့ ပျံသန်းခွင့်ရဇုန်’များ ဖွင့်မည်

တရုတ်၊ရှန်ဟိုင်း မြူနီစီပယ်အစိုးရသည် နိုင်ငံ၏ အနိမ့်ပိုင်းလေကြောင်းစီးပွားရေးဖွံ့ဖြိုးတိုးတက်မှုကို အထောက်အကူပြုရန် ရိုးရှင်းလွယ်ကူသော စည်းမျဉ်းများ၏ တစ်စိတ်တစ်ပိုင်းအဖြစ် ဖေဖော်ဝါရီလ ၁ ရက်နေ့မှစတင်၍ မြို့အတွင်း၌ ဒရုန်းများအတွက် “အခမဲ့ပျံသန်းခွင့်ရဇုန်” များကို ဖွင့်လှစ်ပေးမည်ဖြစ်သည်။ ရှန်ဟိုင်းမြို့၏ အရပ်ဘက်သုံး မောင်းသူမဲ့လေယာဉ်ဆိုင်ရာ လမ်းညွှန်ချက်အသစ်များအရ လူသုံးကုန်ဒရုန်းများကို မှတ်ပုံတင်ထားပါက ကြိုတင်အကြောင်းကြားရန်မလိုဘဲ မြို့တွင်းရှိ “သင့်လျော်သော ဝေဟင်နယ်မြေ” အချို့တွင် ပျံသန်းခွင့်ရမည်ဖြစ်သည်။ အဆိုပါခွင့်ပြုချက်တွင် အလွန်သေးငယ်ပေါ့ပါးသော ဒရုန်းအမျိုးအစားများ ပါဝင်သည်။