တနင်္သာရီတိုင်း၊ထားဝယ်ခရိုင်၊ သရက်ချောင်းမြို့နယ်၊ ဆင်ဖြူပြင်ကျေးရွာ ထားဝယ်မြစ်အတွင်းရှိသော ဆင်ဖြူပြင်ဆိပ်ခံဘောသည် ယမန်နေ့ ဇန်နဝါရီလ ၂၂ရက် နံနက်ပိုင်းတွင် ရေဝင်နစ်မြုပ်သွားကြောင်း ထားဝယ်မြို့ရှိ မြန်မာ့ဆိပ်ကမ်းအာဏာပိုင်ရုံးထံမှ သိရသည်။ဆင်ဖြူပြင်ဆိပ်ခံဘောသည် အလျား ၃၀ ပေ ၊အနံ၂ ၀ ပေ၊ အမြင့် ၆ ပေရှိပြီး ယနေ့ နံနက် ၁ နာရီကျော်တွင် ရေဝင်ပြီး နစ်မြုပ်သွားကြောင်း အဆိုပါရုံးမှ တာဝန်ရှိသူတစ်ဦးက ပြောသည်။“ရုံးချုပ်ရဲ့ ညွှန်ကြားချက်နဲ့ ပြန်ဆယ်ဖို့လုပ်နေပါတယ်။ ဘောက နှစ်ပေါင်းကြာနေပြီဆိုတော့ ဆွေးနေပါပြီ” ဟု ၎င်းက ပြောဆိုသည်။ဆင်ဖြူပြင် ဆိပ်ခံဘောတံတားကို ၁၉၇၄ ခုနှစ်တွင် စတင်တည်ဆောက်ခဲ့ပြီး နှစ်ပေါင်း ၅၀ ကျော် ခရီးသည်များနှင့် ကုန်စည် ပို့ဆောင်ရေးသင်္ဘောများ ဝင်ထွက် ဆိုက်ကပ်ရာတွင် အသုံးပြုသည့် တံတားတစ်စင်းဖြစ်သည်။
