ထိုင်းနိုင်ငံကို အားပြင်း နေမုန်တိုင်း ဝင်ရောက်၊ ဂြိုဟ်တုနဲ့ GPS စနစ်တွေ ထိခိုက်နိုင်

ဇန်နဝါရီလ ၁၉ ရက်နေ့က ဖြစ်ပေါ်ခဲ့တဲ့ နေစွမ်းအင် လှုပ်ရှားမှုကြောင့် ထိုင်းနိုင်ငံကို အားပြင်းတဲ့ နေမုန်တိုင်း ဝင်ရောက်လျက်ရှိပြီး၊ ဂြိုဟ်တုတွေ၊ GPS စနစ်နဲ့ လေကြောင်း ဆက်သွယ်ရေးတွေမှာ အနှောင့်အယှက် ဖြစ်နိုင်တယ်လို့ သတိပေးထားပါတယ်။ဇန်နဝါရီလ ၁၉ ရက်နေ့ မနက် ၁ နာရီ ၉ မိနစ်မှာ နေမျက်နှာပြင်ကနေ ပေါက်ကွဲမှုဖြစ်ပေါ်ခဲ့ပြီး ပလာစမာနဲ့ သံလိုက်စက်ကွင်းတွေ ကမ္ဘာမြေဘက်ကို လွင့်စင်လာခဲ့တာဖြစ်ကြောင်း ထိုင်းနိုင်ငံ ဘူမိသတင်းအချက်အလက်နှင့် အာကာသနည်းပညာ ဖွံ့ဖြိုးတိုးတက်ရေး အေဂျင်စီ (Gistda) က ဒီနေ့ ဇန်နဝါရီလ ၂၁ ရက်နေ့မှာ ထုတ်ပြန်ခဲ့ပါတယ်။ ဒီအခြေအနေကို သိပ္ပံပညာရှင်တွေက G4 အဆင့်ရှိတဲ့ နေမုန်တိုင်းအဖြစ် သတ်မှတ်ထားပါတယ်။