ဂျပန်နိုင်ငံ၊ ချီဘစီရင်စုမှာ ဝင်ရောက်နေထိုင်ခွင့်ဆိုင်ရာ အတုအယောင်စာရွက်စာတမ်းတွေ ပြုလုပ်ပေးခဲ့မှုနဲ့ ကုမ္ပဏီအရာရှိတစ်ဦးကို ချီဘစီရင်စုရဲတပ်ဖွဲ့က ဖမ်းဆီးလိုက်ပါတယ်။ ဒီအမှုကို ဇန်နဝါရီလ ၂၁ ရက်နေ့မှာ ဖော်ထုတ်နိုင်ခဲ့တာ ဖြစ်ပါတယ်။အသက် ၅၇ နှစ်အရွယ် ရှိမာနို မာဆာတို (Shimano Masato) ဆိုသူဟာ အိဆူမိမြို့မှာ နေထိုင်ပြီး သူဟာ ကုမ္ပဏီအရာရှိတစ်ဦး ဖြစ်ပါတယ်။ သူ့ရဲ့ လုပ်ရပ်ကတော့ တကယ်တမ်းမှာ မရှိတဲ့ ကုမ္ပဏီတစ်ခုရဲ့ ဘဏ္ဍာရေးရှင်းတမ်းအစီရင်ခံစာတွေလို စာရွက်စာတမ်းအတုတွေကို ဖန်တီးပေးပြီး သီရိလင်္ကာနိုင်ငံသားတစ်ဦး ဂျပန်မှာ ဆက်လက်နေထိုင်ခွင့်ရဖို့ အကျိုးအမြတ်ယူ ကူညီပေးခဲ့တာ ဖြစ်ပါတယ်။ ဒီလို စာရွက်စာတမ်းအတုတွေ ဖန်တီးပေးခဲ့တဲ့အတွက် ယန်း ၁သိန်း၆သောင်း၅ထောင် (၁၆.၅သောင်း) ရရှိခဲ့တယ်လို့ ရဲတပ်ဖွဲ့ရဲ့ ပြောကြားချက်အရ သိရပါတယ်။
