ဂျပန်လေကြောင်းလိုင်း (JAL) က နိုင်ငံခြားသား ဝန်ထမ်းတွေ လေဆိပ်အတွင်း ယာဉ်မောင်းနှင်ခွင့်အတွက် အထူးစည်းမျဉ်းအသစ်တွေကို စတင်ကျင့်သုံးနေပြီလို့ ဇန်နဝါရီလ ၂၁ ရက်နေ့မှာ ကြေညာခဲ့ပါတယ်။ ဒီအစီအစဉ်ဟာ ယာဉ်မောင်းနှင်ခွင့် အရည်အချင်းစစ် စနစ်တွေ ပြုပြင်ပြောင်းလဲရေးအပေါ် အခြေခံထားတာ ဖြစ်ပါတယ်။ ဒီအထူးစည်းမျဉ်းတွေကြောင့် နိုင်ငံခြားသား ဝန်ထမ်းတွေဟာ ယခင်ထက် ပိုမိုမြန်ဆန်စွာ ကားမောင်းနှင်ခွင့် ရရှိမှာပါ။ ဒါဟာ မြေပြင်ဝန်ဆောင်မှုလုပ်ငန်း (Ground Handling) တွေမှာ ဖြစ်ပေါ်နေတဲ့ လူအင်အား မလုံလောက်မှု ပြဿနာကို ဖြေရှင်းဖို့ ကြိုးပမ်းတဲ့ လုပ်ဆောင်ချက် တစ်ခုလည်း ဖြစ်ပါတယ်။ ပထမဆုံးအနေနဲ့ ဒီလထဲမှာ နာရီတာလေဆိပ် (Narita Airport) မှာ ဂျပန်လေကြောင်းလိုင်း အုပ်စုကုမ္ပဏီတစ်ခုရဲ့ မြန်မာဝန်ထမ်း ၂ ဦးဟာ ယာဉ်မောင်းနှင်ခွင့် ခွင့်ပြုချက်ကို ရရှိခဲ့ပြီ ဖြစ်ပါသည်။
