ဟင်္သာတမြို့၌ ၇ နှစ်အရွယ် မြေးမဖြစ်သူကို အဓမ္မပြုကျင့်သည့် အသက် ၇၃ နှစ်အရွယ် အမျိုးသားအား ခရိုင်တရားရုံးက ထောင်ဒဏ်တစ်သက် ချမှတ်

ဧရာဝတီတိုင်းဒေသကြီး၊ ဟင်္သာတမြို့၊ ရွှေကူရပ်ကွက်တွင် ၂၀၂၅ ခုနှစ် နိုဝင်ဘာလအတွင်းက မိမိနှင့်အတူနေ အသက် ၇ နှစ်အရွယ် မယားပါမြေးမဖြစ်သူကို အိမ်တွင်ဘယ်သူမှမရှိခိုက် အဓမ္မပြုကျင့်ခဲ့သည့် အသက် ၇၃ နှစ်အရွယ် တရားခံ မြသန်းအား ဟင်္သာတခရိုင်တရားရုံးက ဇန်နဝါရီ ၂၀ ရက်နေ့တွင် ထောင်ဒဏ်တစ်သက် ချမှတ်လိုက်ကြောင်း သိရှိရပါသည်။ တရားခံသည် အသက် ၁၂ နှစ်အောက် အမျိုးသမီးငယ်ကို မုဒိမ်းမှုကျူးလွန်ကြောင်း ပြစ်မှုထင်ရှားသဖြင့် ရာဇသတ်ကြီးပုဒ်မ ၃၇၆ (၃) အရ ယခုကဲ့သို့ အမြင့်ဆုံးပြစ်ဒဏ် ချမှတ်ခံရခြင်းဖြစ်ပြီး၊ ၂၀၂၅ ခုနှစ်အတွင်း မြန်မာနိုင်ငံတစ်ဝန်း သက်ငယ်မုဒိမ်းမှုများ စိုးရိမ်ဖွယ်ရာ ဆက်တိုက်ဖြစ်ပွားခဲ့ရာတွင် သထုံခရိုင်နှင့် တောင်ငူခရိုင်တရားရုံးများကလည်း ကျူးလွန်သူများကို ထောင်ဒဏ်တစ်သက်နှင့် ထောင်ဒဏ်အနှစ် ၄၀ အသီးသီး ချမှတ်ခဲ့သည့် ဖြစ်စဉ်များ ရှိခဲ့ကြောင်း မှုခင်းမှတ်တမ်းများအရ သိရှိရပါသည်။